Тамблагъы кюнлери ышаннгылы болурча

«Единая Россия» эмда #МЫВМЕСТЕ мобилизациягъа тюшгенлеге болушлукъ бериуде бирикгендиле.  

«Единая Россия», «Единая Россияны жаш гвардиясы» эмда  #МЫВМЕСТЕ къымылдау мобилизациягъа тюшгенлени юйюрлерине болушлукъ жаны бла штабла къурайдыла. Ары юйюрле керекли затланы юслеринден  тилекле берирге боллукъдула, ызы бла ала волонтёрлагъа юлешинирикдиле

 Партияны Генсоветини секретарыны орунбасары   Дарья Лантратова айтханыча, мобилизация башланнган биринчи кюнден «Единая Россияны» жамауат приёмныйлеринде бла партияны жамауат штабларында энчи операциягъа баргъан аскерчилени юйюрлерине себеплик жаны бла арала ишлеп башлагъандыла.

 - Алагъа 7 мингден аслам тилек келгенди. Адамла юридический болушлукъ излейдиле. Ол санда документлени хазырларгъа, субсидияланы алыргъа эм башхала. Дагъыда сабийлени кружокга элтирге, уллайгъанлагъа къараргъа кереклисин да билдиредиле. Регионлада бёлюмлени келечилери толтуруучу власть органла бла бирге магъаналы жумушланы тамамлагъандыла. Бюгюнлюкде уа бу ишни система халгъа келтириге керекди, ол болушлукъну бютюнда хайырлы этерикди. Адамла кеслери алларына къалмагъанларын, алагъа къайгъыргъанла болгъанларын сезерге керекдиле,-дегенди    Дарья Лантратова.

Къырал Думаны жаш тёлю политика жаны бла комитетини башчысы   Артём Метелев себепликни юсюнден тилекни «къызыу ызны» телефонуна, бу номерге сёлешип билдирирге боллугъун эсгертгенди:   88002003411.

- Биз хар юйюрге да келриге керекбиз: сабийни школгъа элтирге, мобилизациягъа тюшгенни атасын, анасын туугъан кюнлери бла алгъышларгъа. Эр киши юйде кёп жумушлагъа жууаплыды, алай ол фронтха кетгенди. Аны орунуна жумушланы   толтурургъа керекди. Ол кезиуде юйюр тамбалгъы кюннге ышаннгылы кёзден къарарыкъды,-деп чертгенди ол.

Росмолодёжну регионла бла байламлыкъла жаны бла управлениясыны таматасы   Екатерина Богомаз билдиргенича, «Биз биргебиз» къымылдауну  волонтёрлары аскерчилени кеслеринден да биледиле аланы юйюрлерине къаллай себеплик керек болгъаныны юсюнден. Дагъыда социал къоруулау органла бла бирге да ишлейдиле.

- Бюгюнлюкде биригиу артыкъда магъаналыды, алай бла ата журтубузну къоруулаучулары жууукълары кеслери алларына къалмагъанларын кёрлюкдюле. Дагъыда аскерчилерибизге болушургъа сюйген хар инсанны да аллай онгу болургъа тийишлиди,-деп белгилегенди ол.

 Ахырында  Дарья Лантратова   «Единая Россия» аскерчилеге кийимлеге багъаланы тинтип турлугъун да айтханды. Аланы багъаларына къошулгъаныны юсюнден шартла сюзюлюп, аланы кётюргенле бла тюбешиуле къураллыкъдыла.

   Партияны КъМР-де жамауат приёмныйини башчысыны орунбасары   Хасанби Абазов билдиргенича, инсанладан болушлукъ жыйыу жаны бла ара къуралады. «Ал кезиуде жамауат приёмныйде ангылатыу ара ишлегенди, анда уа атышыуладан къачып келгенле къаллай эркинликлери болгъанларын билдирип тургъанбыз.  Энди уа мобилизация бла байламлы соруулагъа жууапла бериледиле.  Аны бла бирге энчи операциягъа чакъырылгъанлагъа болушлукъ жаны бла ара ишлеп башларыкъды. Хар инсанны да бу сыйлы ишни толтурургъа онгу барды. Керекли  затланы тизмеси да хазырланнганды – гигиена керекле, дарманла эм башхала. Шёндю къурау соруула тамамланадыла»,-дегенди ол.