Сабий оюн бушуугъа келтиргенди

Бараз кюн Прохладный шахарда Пролетарская орамда беш этажлы юйге от тюшгенди, деп билдиреди РФ-ни МЧС-ини КъМР-де Баш управлениясыны пресс-службасы. 

От ёчюлтюучюлени пультларына аны юсюнден билдириу 11 сагъат 32 минутда келгенди. Кёпкъатлы юйню ючюнчю этажында фатар кюе тургъанын тохташдыргъандыла. 11 сагъат 56 минутда отну толусунлай ёчюлтгендиле. Ол 10 квадрат метрге жайылгъан эди. Отоуда эки сабий бар эди. Ала жаннган отда болгъан уу затладан солуп ёлгендиле. 

Къыйын болумну кетериуге 22 адам специалист эм 5 машина къатышхандыла.

Тохташдырылгъаннган кёре, от сабий оюнну хатасындан тюшгенди. Багъалы жолдашла! РФ-ни МЧС-ини КъМР-де Баш управлениясы сизни сакъ болургъа эм сабийлени кеслерин къоймазгъа чакъырады. Алай бла сиз кеси  жашауугъузну эм жууукъларыгъызны хатадан къутхарыргъа боллукъсуз.