Спортчуларыбызда – аслам майдал

 Нальчикде бла Баксанёнок элде женгил атлетикадан «Алтын кюз» деген аты бла регионла аралы эришиуле къуралгъандыла. Алагъа бизни республиканы, Къарачай-Черкесни, Шимал Осетияны бла Ставрополь крайны спорт школларындан 500-ден аслам адам къатышхандыла.

 Женгил атлетчиле узунлукъгъа секириуде, ядрону тюртюуде, дискни бла копьёну атыуда сынашхандыла. Республиканы спортчулары анда ахшы эсепле болдургъандыла, ала 26 алтын, 37 кюмюш эмда 25 доммакъ майдал къытхандыла.