Аскерге чакъырылгъанлагъа эм аланы юйюрлерине себеплик этилликди

Мобилизация бла байламлы аскерге къуллукъ этерге чакъырылгъанлагъа эм аланы юйюрлерине Россельхозбанк  жетинчи октябрьден тебиреп потребитель эм ипотека кредит алгъанлагъа каникулла береди. Аны бла байламлы финанс учреждениягъа келип, къагъытланы жарашдырыргъа боллукъду. Каникулла мобилизациягъа тюшгенлеге, ол санда энчи предпринимательлеге, аскер къуллукъларын контракт бла толтургъанлагъа, аскерге кеслери сюйюп баргъанлагъа, башха аскер бёлюмледе эм органлада, ол санда Росгвардияда къуллукъ этгенлеге бериледиле.

Россельхозбанкны льготалары бла сагъынылгъан жерледе къуллукъ этгенле эм аланы юйюрлери да хайырланыргъа боллукъдула. Льготаланы алыр ючюн банкдан ёнкюч алгъан финанс учреждениягъа келип, 2023 жылны аягъына дери тийишли къагъытланы жарашдырыргъа керекди. Соруулары болгъанла бу телефон номерге сёлеширге: 8 (800) 100-01-00, неда office@rshb.ru электрон почтагъа жазаргъа боллукъдула, деп билдиреди финанс учрежденияны республикада бёлюмюню пресс-службасы.

 

 

 

Поделиться: