Абадан, гитче да спортчуларыбызда – аслам майдал

Казаньда единоборстволаны «Акъ Барс» арасында тхэквондону Олимпиадагъа кирмеген тюрлюсюнден дунияны кубогу бардырылгъанды, анга 16 къыралдан 350-ден аслам спортчу къатышханды.

Республикабызны командасы анда 6 майдал къытханды, аладан «алтынланы» Самира Калова (40кг.), Кетенчиланы Мурат (40кг.) бла Амиран Исаков (64кг.) алгъандыла. 

Кубокну чегинде дагъыда Тюрсюнлю бел бауланы фестивалы болгъанды. Анда Къабарты-Малкъарны гитче тхэквондочулары 31 майдал алгъандыла: 14 алтын, 7 кюмюш эмда 10 доммакъ. 

Спортчуланы тренерле Эльдар Балахов бла Азамат Абазов юйретедиле.