Эсепге тюшюу бла байламлы жумушланы порталда тамамларча

Россейни Пенсия фонду тамамлагъан жумушланы иги кесегин интернет бла юйден чыкъмагъанлай алыргъа боллукъду. Алай кёбюсюнде аны ючюн къырал эм муниципал жумушланы порталында эсепге тюшерге керекди. Бу жумушну да сеть бла толтурургъа жарарыкъды.

Аны ючюн профилигизде СНИЛ-ни бла паспортугъузну данныйлерин жазарыкъсыз. Система аланы тюзлюгюн тинтирикди, халат жокъ эсе, стандарт халда сизни эсепге саллыкъдыла. Анга шагъатлыкъны уа тёрт тюрлю этерге боллукъду:

- почта бла (кодну сизге почта бла иерча заказ этип);

- къырал жумушланы жалчытыу арагъа паспортугъуз эм СНИЛС-гиз бла кесигиз барып;

- электрон мухур бла (былайда квалификация этилген электрон мухурну неда универсал электрон картаны кёргюзтюрге жарайды).

Эсепге тюшгенигизге шагъатлыкъны этдиргенден сора битеу электрон къырал жумушла бла хайырланалыкъсыз. Аны юсюнден бютюн толу информация  https://www.gosuslugi.ru/help/faq/c-1/2 ссылка бла бериледи.

 

Кульчаланы Зульфия.
Поделиться: