Ток ючюн тёлерге унутмагъыз

Хайырланылгъан электрокючню багъасын келир айны онунчусуна дери тёлерге кереклисин къайтарып эсгередиле «Россети Шимал Кавказ» компанияда. Анда айтханларыча, счётчикни кёргюзтюулерин да ай сайын 23-25 кюнледе алагъа сёлешип билдирирге керекди. Бу жумушну «Свет онлайн» приложенияда, компанияны сайтында «Энчи кабинетде» (www.gp-lc.ru) неда «Сбербанк Онлайн» сервисде тамамларгъа боллукъду. Жерине барып тёлерге сюйгенлеге хайырланыучуланы жумушларына къарагъан Арала ишлейдиле. Ахчаны Почтаны бёлюмлеринде кёчюрюрге да боллукъду.

Токну багъасы заманында тёленмесе, компания аны кесип кетерге эркинди. Борчну уа сюдге жиберип алай алыргъа боллукъдула.