Соядан - бай тирлик

Республиканы аграрчылары  быйыл сояны 7,3 минг гектарда сепгендиле. Тенглешдирип айтханда, ол былтырны кёрюмдюсюнден эки кереге кёпдю.

Сояны бир игилиги – ол ёсген жер азотдан бай болады. Аны себепли ызы бла анда мирзеулюк, техникалы неда мал ашлагъа жараулу битимле ёсдюргенден хайыры иги чыгъады. Аны эсге алып, специалистле сояны кезиу-кезиу саладыла.  Башхала бла тенглешдиргенде, Терк районда - быйыл ол асламыракъ жерни (4,4 минг гектар) алгъанды. Урвань  районда - 1,6, Прохладна бла Май районланы хар биринде да - 0,5, Бахсан районда уа 0,3 минг гектарда ёседи. Бу кюнлеге аны 3,2 минг гектардан жыйып бошагъандыла, битеуда 7,3 минг тонна алгъандыла.

Соя кёп затха жарайды. Андан мал ашла этедиле, жауундан  бояула чыгъарадыла, унун а ётмек бишириуде, татлы ашарыкъла эмда къыймала этиуде да хайырланадыла.

 

Омарланы Мурат хазырлагъанды.
Поделиться: