Магъаналы эсгертиуле

Прохладна районну школларында от тюшюуден сакълау жаны бла законодательство къалай толтурулгъанын тинтгендиле. Бу ишлеге прокуратураны жер-жерли бёлюмю, Россей МЧС-ни профилактика ишле жаны бла бёлюмю къатышхандыла. 

Бу ишлени чегинде объектни от тюшюуден къоруулагъан документациясына къаралгъанды, от тюшюу сигнализациягъа, адамлагъа къыйын болумну юсюнден билдириу системагъа, жаннган жерни ёчюлтюрча кереклеге, къутхарыу эм авария жолла излемлеге келишгенлерин бла къалгъанларына.

Школланы башчыларына от тюшюу жаны бла къоркъуусузлукъну жалчытырча ангылатыула этилгендиле, устазлагъа инструктаж ётдюргендиле. Аланы эслерине къыйын болумлада эмда от тюшгенде не этерге керек болгъанын салгъандыла, сабийлени мекямдан къоркъуусуз жерге кёчюрюу амалланы юсюнден да айтхандыла.

Тинтиулени ахырында бу жаны бла ычхындырылгъан халатланы белгилеген къагъытланы бергендиле. Къысха заманны ичинде аланы тюзетирге тийищлиди.