Къабарты-Малкъар Республиканы къуралыууну 100-жыллыгъына жораланнган шахарланы бла эллени тийрелерин тапландырыу эм жашиллендириу жаны бла къарау-эришиуню бардырыуну юсюнден

Къабарты-Малкъар Республиканы къуралыууну 100-жыллыгъына жораланнган шахарланы бла эллени тийрелерин тапландырыу эм жашиллендириу жаны бла къарау-эришиуню бардырыуну юсюнден
Къабарты-Малкъар Республиканы Правительствосуну
Б Е Г И М И
19 сентябрь 2022 жыл, Нальчик шахар, №208-ПП

Къабарты-Малкъар Республиканы къуралыууну 100-жыллыгъына жораланнган шахарланы бла эллени тийрелерин тапландырыу эм жашиллендириу жаны бла къарау-эришиуню бардырырча, Къабарты-Малкъар Республиканы Правительствосу бегим этеди:

1. Къабарты-Малкъар Республиканы къуралыууну 100-жыллыгъына жораланнган шахарланы бла эллени тийрелерин тапландырыу эм жашиллендириу жаны бла къарау-эришиуде хорламны эсебине кёре  шахар эм эл бюджетлеге Къабарты-Малкъар Республиканы республикалы бюджетинден башха бюджетле аралы трансфертлени бериуню къошакъ халда кёргюзтюлген жорукъларын къабыл этерге.

2. Къабарты-Малкъар Республиканы къуралыууну 100-жыллыгъына жораланнган шахарланы бла эллени тийрелерин тапландырыу эм жашиллендириу жаны бла къарау-эришиуню бардырыу эм эсеплерин чыгъарыу соруулары жаны бла республикалы комиссияны къураргъа эм аны къошакъ халда басмаланнган кесекге кёре къабыл этерге.

3. Къабарты-Малкъар Республиканы Къурулуш эм жашау журт-коммунал мюлк министерствосуна «Къабарты-Малкъар Республиканы муниципал къуралыуларыны совети» Ассоциация бла бирге Къабарты-Малкъар Республиканы къуралыууну 100-жыллыгъына жораланнган шахарланы бла эллени тийрелерин тапландырыу эм жашиллендириу жаны бла къарау-эришиуню бардырыуну 2022 жылда 19 сентябрьден 1 ноябрьге дери къураргъа.

4. Къабарты-Малкъар Республиканы Финансла министерствосуна  Къабарты-Малкъар Республиканы Правительствосуну резервли фондундан Къабарты-Малкъар Республиканы Къурулуш эм жашау журт-коммунал мюлк министерствосуна республиканы къуралыууну 100-жыллыгъына жораланнган шахарланы бла эллени тийрелерин тапландырыу эм жашиллендириу жаны бла къарау-эришиуде хорлагъанланы кёллендирича 5000,0 мингсом бёлюрге.

5. Бу бегимнитолтурулууна къарауну Къабарты-Малкъар Республиканы Правительствосуну Председателини биринчи орунбасары М.А. Кунижевни боюнуна салыргъа.

Къабарты-Малкъар Республиканы
Правительствосуну Председатели                                     Мусукланы А.