Эм кючлю команда - бизникиле

Анапада аскер искусстволадан битеуроссей жаш тёлю оюнла бардырылгъандыла. 23 дисциплинада талай минг жаш бла къыз сермешгендиле.

Къабарты-Малкъарны спортчулары единоборстволаны 7 тюрлюсюнде – аскер къол тюйюшден, всестилевой каратеден, киокусинкайдан, тхэквондодан, сумодан, комплексли единоборстводан, мас-реслингден - эришгендиле. Аслам майдал алып, бизни къауум битеукоманда эсепде биринчи жерге чыкъгъанды. Ала къатышхан дисциплиналарында 24 алтын, 24 кюмюш, 32 да доммакъ майдал къоллу болгъандыла.