Законсуз иши тохтатылгъанды

Контрабандагъа къажау мадарланы чеклеринде РФ-ни ФСБ-сыны КъМР-де Управлениясыны къуллукъчулары республикада бир  инсанны аманлыкъ ишин тохтатхандыла. А.Батуева  къырал маркалары болмагъан тютюнлени сатыу-алыугъа къатышханы ючюн терсленеди.

Законсуз сатыудан тыш къыраллы эм ата журтлу предприятияла чыгъаргъан  тютюнню 93 минг пачкасы сыйырылгъанды. Аланы биринде да къырал федерал маркалары жокъ эди.

Бахсанны район сюдюню оноуу бла Батуева РФ-ни УК-сыны 171.1-чи статьясыны 5-чи кесегине эмда 171.1-чи статьясыны 6-чы кесегини «б» пунктуна бузукълукъла этгенин тохташдыргъанды эмда аны 1 жылгъа бла 6 айгъа эркинлигин сыйырыргъа (условно халда) деген оноуну чыгъаргъанды.