Сютден жарашдырылгъан ашланы ёлчеми ёсгенди

Къабарты-Малкъарда быйыл ал жети айны ичинде сютден жарашдырылып 13 мингден аслам тонна продукция чыгъарылгъанды. Шимал-Кавказстатны билдириуюнде айтылгъаннга кёре ол озгъан жылны кёрюмдюсюнден 37 процентге кёп болгъанды. Анда сёз айранны  эм гыпы айранны, къаймакъны, йогуртну, ряженканы, мыстындауну юслеринден барады.

Сютню юсюнден айтханда, быйыл сагъынылгъан кезиуде 21,2 минг тонна сауулгъанды. Бишлакъдан бла ачыгъан бишлакъдан а 1,9 мингден артыкъ тонна чыгъарылгъанды. Аны ёлчеми хазна тюрленмегенди.

Башха ашарыкъланы чыгъарыуда уа иш  былайды: ётмекден эмда ундан биширилген продукцияны чыгъарыу аз кёбюрек болгъанды, татлы ашарыкъланы чыгъарыу а 1,7 процентге кёбейип, 5,5 минг тоннагъа жетгенди.