Регионлада жаш тёлю политиканы айнытыргъа алланыпЖаш тёлюню ишлери жаны бла федерал агенство, Къабарты-Малкъарны Жаш тёлюню ишлери жаны бла министерствосу Нальчикде «Азимут» къонакъ юйде семинар-жыйылыу бардыргъандыла. Анга округда жаш тёлю политикагъа жууаплы власть органланы, жаш тёлю эм сабий араланы, коммерциялы болмагъан организацияланы, усталыкъ билим бериу учрежденияланы, волонтёр къымылдауланы келечилери къатышхандыла. Семинарны борчу жаш тёлю политиканы бирикген эм айныгъан экосистемасын къурап, аны тынгылы толтурур ючюн регион командаланы айырыу болгъанды. Росмолодёжьну регионла аралы байламлыкъла жаны бла бёлюмюню баш специалист-эксперти Айшат Нажмудинова билдиргенича, жыйылыугъа округну жети субъектини келечилери къатышхандыла, ала, къауумлагъа юлешинип, федерал экспертлени бла модераторланы башчылыкъларында ишлегендиле. Жыйылыуну кезиуюнде жаш адамла бир бирлерини сынамларына юйреннгендиле, кеслерини регионларында жаш тёлю политиканы тинтип, башламчылыкъла этгендиле. Аслам эс жаш тёлю къымылдаулагъа бла организациялагъа болушлукъ этиуге, жаш адамлагъа усталыкъ сайлауну, ишлеринде жетишимли болурча себеплик этиуню амалларын излеуге бёлюннгенди. Андан тышында, ала презентацияла кёргюзтгендиле, кеслерини проектлерин да къоруулагъандыла.
Поделиться:
Читать также:
23.04.2024 - 17:25 →
Льготачыла тёлеулерин жарымын артха къайтараллыкъдыла
23.04.2024 - 09:00 →
Махтаулу уланларыбыз
22.04.2024 - 14:54 →
«Жигитлени кезиую» - оноучуланы сайлайды
22.04.2024 - 12:17 →
Жерлерибизни тюз атларын сакъласакъ тюз болур эди
22.04.2024 - 12:01 →
«Сабийлени туугъан жерлерине, тилге сюймекликлерин ёсдюргенлей турабыз»
|