Уууну кеслерине ичерге алгъанларын айтхандыла

Черек районну полициячылары республиканы эки инсанындан нароктикле сыйыргъандыла.

Быйыл 13 сентябрьде ингирде 17 сагъатда Черек районда ОМВД-ны полицияны участка уполномоченныйни жол жанында келе тургъан эр кишиге ишекли болгъанды. Аны документлерин тинтгенде, алгъын да сюдню оноуу бла бир ненча кере жууапха тартылгъан 40-жыллыкъ нальчикчи  болгъанын тохташдыргъанды. Эр кишини къолунда къара артмакъда уа энчи ийисли кырдык бар эди. Экспертле тинтип, ол «марихуана» уу болгъанын тохташдыргъандыла, аны ауурлугъу 56,3 граммгъа жетгенди.

Экинчи  кюн а уголовный розыскны полициячылары терек бахчачыланы биригиуюнде излеу  жумушла бардыргъан кезиуде эр кишини тутхандыла. Аны биргесине акъ тюрсюнлю порошогу бла чулгъам бар эди. Тинтиуледе ачыкъланнганыча, анда болгъан уулу затны ауурлугъу 1,12 граммгъа жетеди.

Эки эр киши да тутулгъандыла, алагъа терслеу материалла ачылгъандыла. Ала наркотиклени кеслерине ичерге алгъанларын айтхандыла.