Хайырлы жарауланы тийрелери

Къабарты-Малкъарны Черек муниципал районуну эки спорт школуна мингден артыкъ сабий жюрюйдю. Ала бла 43 тренер  жараула этедиле.

Мында тюрлю-тюрлю секциялада бардыла: дзюдо, карате, ауур атлетика, аскер къол тюйюш, бокс, эркин эм грек-рим тутушуу, футбол, волейбол, стол теннис эм шахматла. Школда жарау этгенлени араларында Россейни, Европаны да чемпионатларында алтын эм кюмюш майдалла къоллу болгъан спортчула да юйренедиле. Бюгюнлюкде школну алты  келечиси къыралны жыйымдыкъ командаларына киредиле.  

Эки школда да сабийле жети жылларындан башлап хакъсыз жарау этерге боллукъдула, деп билдиредиле республиканы Спорт министерствосундан.