Къабарты-Малкъар Республиканы Башчысыны Указы

Къабарты-Малкъар Республиканы къырал граждан къуллукъларына кадрланы целевой окъутуу амал бла хазырлауну юсюнден

Къабарты-Малкъар Республиканы Башчысыны

У К А З Ы

2004 жылда 27 июльда чыгъарылгъан «Россей   Федерацияда къырал граждан къуллукъну юсюнден» 79-ФЗ номерли федерал законну 61-чи статьясына, 2005 жылда 28 октябрьде чыгъарылгъан «Къабарты-Малкъар Республикада къырал граждан къуллукъну юсюнден» 81-РЗ номерли республикалы законну 26-чы статьясыны 2-чи кесегине тийишлиликде бегим этеме:

  1. Къабарты-Малкъар Республиканы къырал органларыны бла Россей  Федерацияны инсаныны араларында целевой амал бла окъутууну, ызы бла Къабарты-Малкъар Республикада къырал граждан къуллукъ этерге борчлу этиледи, юсюнден келишимни болумларын къабыл кёрюрге.
  2.  Къабарты-Малкъар Республикану Урунуу эм социал къоруулау министерствосу Къабарты-Малкъар Республикада къырал граждан къуллукълагъа кадрланы хазырлаугъа жууаплы болгъанын белгилерге, Къабарты-Малкъар Республикада къырал къуллукъгъа башчылыкъ этген къырал орган къуралгъынчы.
  3. Орта профессионал эм бийик профессионал билим  бериу программалагъа кёре целевой амал бла окъутуугъа эмда Къабарты-Малкъар Республиканы къырал органларыны бла Россей  Федерацияны инсаныны араларында целевой амал бла окъутууну, ызы бла аны Къабарты-Малкъар Республикада къырал граждан къуллукъ этерге борчлу кёрюу жаны бла келишимни толтуруугъа къоранчлагъа ахча Къабарты-Малкъар Республиканы бюджетинде Къабарты-Малкъар Республиканы жууаплы органына салыннган ахчадан бёлюнеди.
  4. Бу Указ кючюне киргинчи Къабарты-Малкъар Республиканы къырал органларыны бла Россей  Федерацияны инсаныны араларында целевой амал бла окъутууну, ызы бла Къабарты-Малкъар Республикада къырал граждан къуллукъ этерге борчлу кёрюуню юсюнден къабыл кёрюлген келишимле документде белгиленнген низамгъа кёре тамамланырыкъдыла.
  5. Кючлерин тас этгеннге санаргъа:

Къабарты-Малкъар Республиканы Президенти  2010 жылда 28 майда чыгъаргъан «Къабарты-Малкъар Республиканы къырал граждан къуллукъларына кадрланы окъутуу  келишимлеге кёре хазырлауну юсюнден»  55-УП номерли Указы;

 Къабарты-Малкъар Республиканы Башчысы  2020 жылда 16 декабрьде чыгъаргъан «Къабарты-Малкъар Республиканы Президентини бир-бир актларына тюрлениуле кийириуню юсюнден» 172-УГ номерли Указы.

  1. Указ кючюне басмаланнган кюнден киреди.

Къабарты-Малкъар Республиканы Башчысы                                                                                                                      К.КОКОВ

 Нальчик шахар,

2022 жыл 9 сентябрь,

86-УГ

Поделиться: