Борчларын сый-намыслары бла толтурадыла

Россей Минюстну КъМР-де Управлениясында ведомствону 220-жыллыгъына жораланнган къууанчлы жыйылыу болгъанды. Байрамгъа регионну законла чыгъарыучу, сюд эм толтуруучу власть органларыны келечилери да къошулгъандыла. Сюд приставла да бир жанында къалмагъандыла.

Жыйылгъанланы Россей УФССП-ны Къабарты-Малкъарда бёлюмюню таматасыны орунбасары Олег Эфендиев да алгъышлагъанды. Ол Юстиция министерствону регион бёлюмюню ишчилери кеслерини борчларын сый-намыслары бла толтургъанларын, инсанланы эркинликлерин эм законлу сейирлерин сакълагъанларын чертгенди. Байламлыкъда жетишимли ишлегенлери ючюн ич службаны полковниги айырмалыланы белгилегенди.

Къабарты-Малкъар Республикада баш сюд приставны буйругъу бла Сюд приставланы федерал службасыны Къабарты-Малкъарда Управлениясыны аллында тургъан борчланы тамамлаугъа юлюш къошханлагъа ыразылыкъ къагъытла берилгендиле. Ишни жалчытыу жаны бла бёлюмню таматасы Газаланы Александрны жашы Назир, коммерциялы болмагъан организацияланы ишлери жаны бла бёлюмню таматасы Геляхланы Карина, Викторну къызы, адвокатура, нотариат, граждан болумланы актларын къырал регистратура этиуге къарагъан бёлюмню таматасы Тлакадугова Джульетта Султанашевна саугъаланнгандыла.

Саугъалау хычыуун жумушну ахырында Олег Эфендиев коллективге жангы жетишимле, салгъан борчларына жетиуню тежегенди.