Ток бла сылтасуз жалчытхандыла

«Россети Северный Кавказ»-«Каббалкэнерго» биригиу  Къабарты-Малкъарны къыраллыгъын кюню тийишли халда ётерча, электрокюч бла жалчытып,  магъаналы  къошумчулукъ этгенди. 

Белгилисича,  байрамны аслам кесеги  10-11 сентябрьде Нальчикде  жыйырмадан артыкъ майданда баргъанды. Жерлешлерибиз бла  къонакъла    концертлеге, кёрмючлеге, эришиулеге  эм башха акциялагъа да  къарагъандыла.  Аны бла бирге   районлада  да жарыкъ байрамла баргъандыла.    Аллай кезиуде  ток бла тынгылы жалчытыугъа компания энчи эс бургъанды.   Ол санда жыйылыула ётерик жерледе трансформатор пунктланы,  ток баргъан чыбыкъланы, кабельлени эм башха затланы да  болумлары тинтилгендиле. 

Аварияланы кезиуюнде бузукълукъланы мычымай кетерирча  инженер-техника жаны бла ишчиле  кече-кюн демей дежурство бардыргъандыла. Алай бла  сменнге   23 бригада неда  92 специалист чыгъаргъа  хазырлыкъда тургъандыла. Ала 38 энчи техника,  оборудование, инструмент эм керек  материал бла да  жалчытылыннгандыла.