Бизнес бла кюреширге сюйгенлеге - тренингБыйыл 18 августдан башлап 24 августха дери «Азбука предпринимателя» деген тренинг бардырыллыкъды. Аны Къабарты-Малкъар Республиканы предпринимательствогъа себеплик этген Арасы, «МСП Корпорацияны» гитче эмда орта предпринимательствогъа билим бериу программасыны чеклеринде къурагъанды. «Азбука предпринимателя» тренинг гитче эмда орта предпринимательство бла кюрешгенлеге деп къуралгъанды. Ол кеси да социал сферада къармашханлагъа, 25 жыллары толуп, грант алыргъа умут этгенлеге эмда кеслери иш ачаргъа сюйгенлеге деп. Бу окъутуу жумушну кезиуюнде бизнесни къурайма дегенде, анга келтирген оюмланы ойлагъандан башлап, бизнесни регистрациясын этиуге дери битеу тюрлю атламланы сюзерикдиле. Аны барыны да ахыр эсеби предприятияны бизнес-планын жарашдырыу боллукъду, дегендиле КъМР-ни Экономиканы айнытыу министерствосунда. Тренингге къатышханла ма бу жаны бла билим аллыкъдыла: - бизнес-оюмну ойлау; - бизнес-планны жарашдырыу; - бизнесни тюрлюсюн сайлау; - бизнесни регистрациясын этиу; - финансла излеу; - гитче эмда орта бизнес бла кюрешгенлеге себеплик этиу амалла бла шагъырейлениу; - бизнес бла кюрешип башлау. Тренингни спикер Бечелланы Залим бардырлыкъды. Ол кеси да «МСП Корпорацияны» билим бериу программаларыны сертификаты къоллу болгъан юйретиучюсюдю. Тренинг Бизнес-инкубаторда бардырыллыкъды. Аны адреси: Нальчик, Циолковский атлы орам, 7. Соруулары болгъанла уа сагъынылгъан Арагъа 8-800-222-51-07, 722-181 номерле бла сёлешсинле. Учрежденияны адреси: Нальчик, Кирова, 224.
Поделиться:
Читать также:
02.04.2024 - 09:15 →
Тыш къыралла эмда башха регионла бла байламлыкъла кюч ала барадыла
01.04.2024 - 08:50 →
Гитче эмда орта бизнесни магъанасы уллуду
30.03.2024 - 12:00 →
«Не къыйын кюнде да сайлауума сокъуранмагъанма»
30.03.2024 - 08:50 →
Инвестициялагъа – энчи эс
05.03.2024 - 09:28 →
Инфляция азая барады
|