Россейде болжаллары чыкъгъан ашарыкъланы юлешедиле

Аш-азыкъ жаны бла къытлыкъ киргенини хатасындан Россейде ашаргъа жараргъа деп белгиленнген болжалы чыкъгъан  продуктланы юлеширге деп     оноу этгендиле. Аллай жалгъан хапарны украинлы телеграм-каналны тохтамагъанлай жайгъанлай турадыла, аны юсюнден войнасфейками.рф телеграм-канал билдиргенди. 

Сагъынылгъан  хапарны юсюнден айта, къыралда «фудшеринг» программа бардырылады, ол бир ненча борчну тамамларгъа себеплик этеди. Бек алгъа, ол программаны хайырындан къолайлары иги болмагъан кёп сабийли юйюрлени болжаллары чыгъа тургъан, чыгъып бошалгъан угъай, ашаргъа жарагъан продуктла бла жалчытыргъа онг бериледи. Аллай продуктланы алыкъа ашаргъа жарайды, нек дегенде, аланы качестволары болгъанларына шагъатлыкъ къагъытлары барды.

 Аллай амалланы хайырындан бир жылгъа миллионнга жууукъ ашарыкъны тышына атмай, сакъларгъа онг барды. Бюгюнлюкде тюкенлеге товарны болжалы кетди деп, тышына атып къойгъан тынчды.  Болсада башда сагъынылгъан программаны хайырындан ала налогладан  бош этиледиле, ол ашарыкъланы хакъсыз къолайсызлагъа юлешселе. Уллу тюкенлеге ол бютюн хайырлыды. 

Бюгюнлюкде саулай къыралда 17 миллион тонна аш- азыкъдан къалгъан-къулгъанла жыйыладыла, ала экологиягъа да уллу заран келтиредиле.

Башда сагъынылгъан амалланы (фудшерингни) хайырланыу жашауда чыгъа тургъан сорууланы тамамлаугъа ахшы атламды, ол украинлы асламлы информация органла къурагъан ётюрюк хапар бла байламлы тюйюлдю.