Экиси да бир жанына бара болгъандыла

Полициячыла «Кавказ» федерал трассада жол-транспорт болумну сылтауларын тинтедиле. Аны кезиуюнде эки машина къагъышып, бир адам ауушханды, энтта бир инсан саулукъ сакълау учреждениягъа жетдирилгенди.

Быйыл 21 августда 15 сагъат 20 минутда Чегем шахаргъа жете келген жерде   «Хёндай Солярис» эмда «Лада Калина» къагъышхандыла. Ала экиси да бир жанына бара эдиле. Алайда ата журтлу машины баш тёбен болгъанды. Аны 30-жыллыкъ водители саулукъ сакълау учреждениягъа жетдирилгенди. Аны биргесине келген 23-жыллыкъ къыз  ауур жарала алып, жеринде ауушханды.

 Ачыгъанлагъа РФ-ни МЧС-ини къуллукъчулары болушлукъ этгендиле. Россейни МВД-сыны Чегем районда бёлюмюню оператив къауумуну къуллукъчулары аварияны сылтауларын тинтиуде керекли шагъатланы жыйышдыргъандыла.

Къыралавтоинспекторла жолда жюрюуге къатышханланы сакъ болургъа, бир бирге хурмет этерге  чакъырадыла.