Динлени араларында къыйматлы байламлыкъланы амаллары сюзюлгендилеКъМР-ни Башчысы Казбек Коков Прохладный шахар округда болгъанында, Къабарты-Малкъарны православный килисаларыны благочинныйи протоиерей Валентин Бобылев бла тюбешгенди, деп билдириледи КъМР-ни Башчысыны бла Правительствосуну пресс-службасындан. Республиканы оноучусу бюгюнлюкде республикада православный динни тутханла регионда конфессияланы араларында келишиулюк болуруна, жамауатда тёрели динле сакъланырларына, ёсюп келген тёлюню адеп-къылыкъгъа юйретиуге уллу къыйын саладыла, билим бериу-жарыкъландырыу ишге тири къатышадыла деп, чертип айтханды. Ушакъны кезиуюнде ол жаны бла мындан ары да бирге ишлеуню бардырыуну онглары сюзюлгендиле. Сёз Бахсанда православный храмны къурулушун ахырына жетдириуню юсюнден да баргъанды. Къурулушчула аны къабыргъаларын къалап бошагъандыла, энди башын жабыуну къолгъа аллыкъдыла. Валентин Бобылев Пролетарское элде Уллу ата журт урушда ёлгенлени мемориалыны тийресинде жамауат солугъан жерни тапландырыргъа керек болгъанын да эсге салгъанды. Эсгертмени къатында првославный храм орналыпды. Аны мурдор ташы 2014 жылда Россейни кюнюнде салыннган эди. Бюгюнлюкде аны къурулушу бошалыргъа аз къалгъанды. Храмны Къабарты-Малкъар Республиканы 100-жыллыгъына ачаргъа белгиленеди. Мемориал а Пролетарскоеде 70-чи жылланы башында ишленнгенди. Быйыл аны «2019-2024 жыллада Ата журтну къоруулай ёлгенле эсде къалырча этиуню» программасына кёре жангыртхандыла. Аны бла храмны ортасындагъы тийре эки объектни да бир архитектура ансамбльге бирикдирликди.
Поделиться:
Читать также:
02.05.2024 - 09:15 →
Спортну байрамы андан ары бардырыллыкъды
29.04.2024 - 15:08 →
Информационное сообщение
26.04.2024 - 17:52 →
Нальчикде жууукъ заманда биринчи ИТ-парк къураллыкъды
24.04.2024 - 17:32 →
КъМР-ни Башчысы Казбек Коков Нальчикде ишлене тургъан поликлиниканы жокълагъанды
22.04.2024 - 08:30 →
«Депутатха туугъан журту ючюн къайгъыргъан адамла келедиле»
|