Элбрусчула саугъаланнганланы санында

  Элбрус районну Байзуллаланы Юсюпню атын жюрютген олимпиада резервли спорт школуну спорт гимнастикадан бёлюмюнежюрюгенле тюрлю-тюрлю  эришиуледе дайым жетишимли боладыла. Бу жол да спортчула, Нальчикде Олимпиада оюнланы эки кере призёру Елена Продунованы аты бла бардырылгъан регионла аралы турнирге къатышып, юч майдал бла къайтхандыла.

 Доммакъ майдалны экинчи абадан разрядда эришген Бэлла Губашиева алгъанды. Эки «доммакъгъа» уа  Ёзденланы Рамина (экинчи жаш тёлю разряд) бла Зухура (ючюнчю жаш тёлю разряд) тийишли болгъандыла. Къызчыкъланы тренерле Наталья Губашиева, Ольга Наджафова бла хореограф Инна Варакина юйретедиле.

 Бу турнирге Россейни 24 регионундан 6-15-жыллыкъ гимнастладан 200-ден асламы  къатышхандыла. Ол санда Шимал-Кавказ, Юг эм Ара федерал округладан бла Кърымдан да спортчула болгъандыла.

 

 

Анатолий ТЕМИРОВ.
Поделиться: