Эсепле къууандырадыла

Совет Союзну Жигити Назир Канукоевни хурметине   Нарткъалада картингден эришиуле къуралгъандыла. Алагъа бизни республикадан, Россейни талай башха субъектинден да спортчула къатышхандыла.

Тырныауузну «Цветмет» клубуну келечилери анда ахшы кёрюмдюле болдургъандыла. «Пионер» классда Башийланы Къууанч хорлагъанды, «Кадетде» биринчи жерге Салпагъарланы Адей чыкъгъанды. «Миллет юниор» классда «кюмюшню» Гюлюйланы Керим алгъанды, мында саугъалы жерге  дагъыда Жаппуланы Къурман тюшгенди. Спортчуланы тренер Шамурзов  Батай хазырлагъанды.

Бу кёрюмдюле бла Тырныауузну къаууму битеукомандалы эсепде ючюнчю болгъанды.

 

Суратда: тырныауузчу картингистле.

Анатолий ТАЛАЕВ.
Поделиться: