Кёп хата адамны кесинден чыгъады

Эл мюлк бла кюреширге тийишли жерлеге кир-кипчик тёгюу, алагъа къарамай, ханслагъа басдырып, жукъгъа жарамазча этиу не жаны бла да бек уллу проблемагъа саналады. Россельхознадзорну Шимал Кавказда регионла аралы Управлениясында анга не заманда да энчи эс бурадыла.

Аллай жерледе кир-кипчик тёгюлсе, алайлада абери ёсдюрюрге жарамайды. Аны къой, жер тюбюнде суула да жукъгъа жарамазча боллукъдула. Ол дагъыда жаныуарлагъа, битимлеге, тёгерекдеги къудуретге къоркъуулуду. Аллай жерледен жукъгъан ауруула да жайылыргъа боллукъдула.

Ведомствону специалистлери Экинчи Чегемде озгъан багуш къуюлуп тургъан  тийре кёргендиле. Кир-кипчик тёгюлюп тургъан жер 3,8 гектарны ала эди. Россельхознадзордан районну башчысына аны юсюнден эсгертиу жибергенди.

Дыгулыбгей элде уа тёрт гектар эл мюлк жерни бош хансла бла юлкюле басып тургъанларын эслегендиле специалистле. Тергеулеге кёре,  ол участкагъа къаралмай тургъанлы жыл бла жарым окъуна болуп мкеледи.  Анда да районну оноучуларына тийишли эсгертиу этилгенди.

Аллай бузукълукъ энтта да бир тинтиуню кезиуюнде табылгъанды. Сёз Прохладна районда Черниговское элни къатында бош  тургъан беш гектар жерни юсюнден барады. Аны да заранлы хансла басып тура эдиле. Мадар этилмесе уа, специалистле айтханларына кёре, топуракъны качествосу осалына кетерикди, анда абери ёсдюргенден а хайыры хазна боллукъ тюйюлдю. Арендаторгъа жер законодательствону излемлерин эсге салгъандыла эмда ол участканы тазаларгъа чакъыргъандыла.