сёз экономика политиканы юсюнден баргъанды

КъМР-ни Парламентини экономика политика, инновация айнытыуну эм предпринимательство жаны бла комитетини жыйылыуу болгъанды.

Аны  ишине КъМР-ни Парламентини Председателини орунбасары Жанатайланы Салим, КъМР-ни Парламентини  экономика политиканы, инновация айнытыуну эм предпринимательство жаны бла комитетни таматасы Заур Апшев, КъМР-ни экономиканы айнытыу министрини орунбасары Ольга Белецкая эм предпринимательствогъа себеплик этген регион институтланы   эм жамауат биригиулени келечилери къатышхандыла. Аны юсюнден КъМР-ни Экономиканы айнытыу  министерствосундан билдиргендиле.

Къабарты-Малкъар Республикада гитче эм орталыкъ бизнесде, инвестицияла жаны бла да болум не халда болгъаныны юсюнден Ольга Белецкая айтханды.

Бирикген реестрде болгъан билдириуге кёре, гитче эм орталыкъ предпринимательствода быйылгъы жылны 10 майына республикада 19679 гитче эм орталыкъ предпринимательлик иш  бла кюрешген, ол санда 14366 энчи предприниматель эсепде турады. Гитче эм орта предприятие къурап 5313 адам ишлейдиле.   Кеслерине иш табып эм налогланы энчи амал бла тёлегенле    30018 адам боладыла, ол санда 29367 физический лицола эм 651-энчи предпринимательледиле.   

Гитче эм орталыкъ бизнес бла кюрешгенлеге финанс, ырысхы эм консультация жаны бла болушлукъ берген биригиуле къуралгъандыла.

Къабарты-Малкъар Республикада «Гитче эм орталыкъ предпринимательствогъа эм энчи предпринимательство башламчылыкъгъа себеплик этиу» деген миллет проект жашауда бардырылады. Быйылгъы жылда аны ахча бла жалчытыуу 139,9 миллион сом боллукъду. Аладан КъМР-ни Экономиканы айнытыу министерствосуну юсю бла жалчытылыннган ишле 67,3 миллион сомгъа жетерикдиле.

 Ырысхыла дагъыда «КъМР-де предпринимательствогъа себеплик этиу арагъа» эм «КъМР-ни Гарантиялы фондуна бёлюнюрюкдюле. Ала  алгъын  келишим этилген регион проектлени толтуруу бла байламлы тюрлю-тюрлю жумушлагъа къоратыллыкъдыла.  

Россейге кийирилген санкциялагъа къажау республикада экономика эм социал бёлюмге себеплик этиу бла байламлы координация штаб къуралгъанды.

 Къабарты-Малкъардан «Терекалмаз» акционер общество бла   «ВоенТекстильПром» кийим тикген фабрика федерал системалы  тизмеге тюшгендиле.  Республикада толтуруучу власть къырал органланы  эм «КъМР-де предпринимательликге себеплик этген регион фонд» ишлейдиле.  Озгъан кезиуню ичине  предпринимательледен 481 къагъыт келгенди, аланы  барысына да тийишлисича жууапла берилгендиле, тюрлю-тюрлю соруулагъа ангылатыула да этилгендиле. 

Мадина Тхазаплижева, КъМР-ни Экономиканы айнытыу министерствосуну пресс-службасы.