"Жигит ана" атха тийишли болгъанлагъа бир миллион сом тёленирикди

Аны юсюнден бюгюн РФ-ни Президенти Владимир Путин видеоконференция амал  бла "Аналыкъны махтау" майдалы бла саугъаланнган юйюрле бла  бардырылгъан тюбешиуде айтханды. Андан сора да ол "Жигит ана" деген сыйлы атны да къайтарыргъа кереклисин билдиргенди

 «Саулай да кёп сабийли аналаны социал жаны бла къоруулау  указны магъанасына жангыдан къарап, кенгертирге кереклиси баямды. Ол санда,  къайтарыргъа, ол сёзню энчи белгилеп айтыргъа сюеме, къайтарыргъа, совет кезиуледе болуучусуча "Жигит ана" деген сыйлы атны», - дегенди В. Путин.

 Дагъыда В. Путин,  ол сыйлы даражагъа тийишли болгъан аналагъа  бир кере бир миллион сом тёлениригин чертгенди, деп билдиреди къыралны оноучусуну пресс-службасы.