Табийгъатха заран жетмезча

КъМР-ни Табийгъат байлыкъла эмда экология министерствосуна бойсуннган «Сакъланыргъа тийишли табийгъат жерлени хайырланыу эм тынгылы объектлени къурулушун бардырыу жаны бла дирекция»   Тырныауузда «Таза къырал» миллет эм "Экология" федерал  проектлеге кёре,   2021-2023 жыллагъа белгиленнген ишлени бардырады.   Аны чеклеринде  3,6 гектар жерде вольфрам-молибден комбинатны  I-V класслы къоркъуулу къалгъан-къулгъанлары экологиягъа   хата салмазча мадар этиледи.  

Проектге кёре, бюгюнлюкде  экинчи къаты рекультивация  барады.  Ол санда  зыбыр отходланы экскаваторла бла ауур жюк ташыгъан машиналагъа жюклеп  энчи жерге ташыйдыла.

Мындан арысында да жерни игилендирирча жумушла тамамланырыкъдыла. Аны тазалагъанларындан сора, юсюн геотехника  материалла бла жабарыкъдыла эм   топуракъ къуярыкъдыла. Ызы бла  терекле бла  ханс ёсерча  мадар этилликди.  Алай бла ол къысха заманда  эл мюлкге хайырланыргъа жарарча боллукъду. 

  Ишле графикге кёре эм бир тюрлю  кемчиликсиз барадыла. 

 

Бизни корр.
Поделиться: