Аслам жангы школ ишленирикди

25 мая, 2022 - 20:13

Жангы школла ишлерча Россейни Правительствосуну оноуу бла Къабарты-Малкъар Республикагъа 8 миллиард сом чакълы бир бёлюннгенди. 2024 жылны ахырына дери республикада къошакъ халда энтта 8 школ ишленирикди 5 150 жерлери бла.

КъМР-ни Башчысы Казбек Коков КъМР-ни жарыкъландырыу, илму эм жаш тёлюню ишлери жаны бла министри Анзор Езаов бла бардыргъан ишчи тюбешиуню чегинде РФ-ни Правительствосуну буйругъун жашауда бардырыу жаны бла планла сюзюлгендиле. Ырысхы бёлюуню юсюнден документге РФ-ни Правительствосуну Председатели Михаил Мишустин къол салгъанды. Субсидияла «Билим бериуню айнытыу» къырал программагъа кёре бериледиле.
Шёндюгюлю школла Нальчикде, Терекде, Чегемде, Прималкинскоеде, Терс-Къолда, Александровскоеде эм Нарткъалада ишленирикдиле.

«Бек башы, Президентибиз Владимир Владимирович Путинни башламчылыгъы бла къуралгъан программагъа кёре, школ билим бериуню кенглигин эм качестволугъун игилендириудю», – деп чертгенди регионну таматасы.
Эсигизге салайыкъ, бусагъатда бир кезиуге 10 мектеп ишленеди. Къабарты-Малкъарда, 2018 жылдан бери сюелтилген мектеплени да санап, 2025 жылгъа республикада 23 билим бериу махкеме ишленирикди.

Тюбешиуде эсеп къырал аттестациягъа хазырланыу да сюзюлгенди. Дагъыда билим бериуню качестволугъу, ол санда устазланы профессионал хазырлылыкъларыны даражасын ёсдюрюу бла байламлы соруулагъа да энчи къаралгъанды.

  • 44 просмотра
Поделиться: