Эл мюлк продукциядан 6,6 миллиард сом багъасы чыгъарылгъанды

Быйыл озгъан кезиуге Къабарты-Малкъарда  эл мюлкде уруннган предприятияла 6,3 миллиард сом багъасына продукция чыгъаргъандыла. Былтыр бу заман бла тенглешдиргенде,  ол 102 процентге кёпдю. Аны юсюнден бизге КъМР-ни Эл мюлк министерствосуну пресс-службасындан билдиргендиле.

Алай бла юч, тёрт айгъа  республиканы эл мюлк производительлерини барысында да ахшы кёрюмдюле эсленедиле. Сёз ючюн, былтыр бла тенглешдиргенде,  малланы бла юй къанатлыланы этинден  (союлмагъан ауурлукъда) – 2,5,  сютден – 1,7 эм жумуртхаладан 3,5 процент ёсюм  барды.  Аны бла бирге биринчи апрельде чыгъарылгъан эсеплеге кёре, ийнеклени, ууакъ малланы эм къанатлыланы санына дайым къошула баргъаны да белгиленеди.