Къабарты-Малкъарны курортлары жолоучула бек сюйгенлени санындаТийишли билдириулени хайырлана жолоучуланы арасында МТС биригиу бардыргъан кёрюмдюлеге кёре, къыш кезиуде Россейни къайсы регионларында адамала кёп солугъанлары белгили болгъанды. Къабарты-Малкъарны Приэльбрусьеси 2021-2022 жыллада тау лыжала бла учуу сезонда россейли туристлени оюмларына кёре, юч эм иги курортланы санына киргенди. Рейтингде Минги тауну этеклеринде орналгъан курортдан сора Краснодар крайны эм Къарачай-Черкес Республиканы солуу жерлери да бардыла. Аны юсюнден башда сагъынылгъан биригиуню пресс-службасы билдиргенди. Минги тауну этеклеринде лыжала бла учаргъа асламысында Ставрополь эм Краснодар крайладан, Ростов эм Москва областьладан келедиле. Ала битеу жолоучуланы 35 процентин аладыла. Белгилерчады, Приэльбрусьеге тюрлю-тюрлю къолайлары болгъанла бир кибик келгенлерин. Архызны бла Домбайны орталыкъ иш хакълары болгъанла сюедиле, Шерегешге бла Краснодар крайны Къызыл таласына асламысында иги къолайлары болгъанла барадыла. Республиканы курортларына адамла эм кёп келген айгъа январь саналгъанды. Ол кезиуде жолоучула Минги тауну этеклеринде лыжала бла учуп, суратлагъа да тюшюп зауукълукъ алгъандыла. Дагъыда Минги тау бла байламлы бир шарт, аны юг этегинде Россейде, Кюнчыгъыш Европада да эм бийикде (3888 метрде) орналгъан сотовый связны станциясы барды. «Къабарты-Малкъаргъа къышда эм жаз башында жолоучула солургъа асламысында Минги тауну этеклерине келедиле. Приэльбрусье адамла лыжала бла учхандан сора да, заманларын зауукълу ётдюрген жерге саналады. Республикада тау лыжала бла учхандан сора да, кёп башха сейирлик эм ариу жерле бардыла. Эм башы уа аны къонакъбайлыкъ эте билген адамларыдыла, жылы эм саулукъгъа тап келишген табийгъаты, аламат эм татыулу ашарыкълары, тюрлю-тюрлю, бир бирине ушамагъан таулары эм сейирлик терен тарлары, кёллери эм таза суудан толу череклери, ол жерлеге къараргъа келгенлени сейир-тамашагъа къалдырадыла», - деп чертгенди сагъынылгъан компанияны Къабарты-Малкъар Республикада бёлюмюню таматасы Залиханланы Эльдар.
Поделиться:
Читать также:
02.04.2024 - 09:15 →
Тыш къыралла эмда башха регионла бла байламлыкъла кюч ала барадыла
01.04.2024 - 08:50 →
Гитче эмда орта бизнесни магъанасы уллуду
30.03.2024 - 12:00 →
«Не къыйын кюнде да сайлауума сокъуранмагъанма»
30.03.2024 - 08:50 →
Инвестициялагъа – энчи эс
05.03.2024 - 09:28 →
Инфляция азая барады
|