Черекле чабакълы болурча

Кёп болмай Черек районну администрациясыны башчысы Къулбайланы Алан,  чабакъчылыкъны федерал агентствосуну КъМР-де бёлюмюню таматасыны къуллугъун таматасы Башиланы Аскер, "Каббалкмелиоводхоз» управленияны болжаллы халда толтургъан  Жанкёзланы Жамал къатышып, Черекге 45 мингден аслам ала чабакъчыкъ  (фарель)жиберилгенди. Аны юсюнден бизге муниципалитетни администрациясыны пресс-службасындан билдиргендиле.

Чабакъчыкъланы «Главрыбвод» учрежденияда  ёсдюредиле. Ала 13-20 грамм ауурлукъ алгъанларындан сора,суулагъа алай жибериледиле. 
Къабарты-Малкъарны биоресурсларын кёбейтиу  иш Тёбен Черекде эм Огъары Малкъар  ГЭС-ле ишлегенлери бла байламлы бардырылады. Быллай магъаналы акция жыл сайын ётеди эм бу жаны бла башха мадарла  да этиледиле. Сёз ючюн,  табийгъатха заран жетдирмез ючюн,Тёбен-Черекни гидроэлектростанциясыны плотиналары чабакълагъа тыйгъычсыз  ётерча системала бла жалчытылыннгандыла.