Ариулукъ хорлагъандыБу кюнледе Нальчик шахарны Универсал спорт комплексинде эстетика гимнастикадан СКФО бла ЮФО-ну чемпионаты бла биринчилиги ётгенди. Ары Астраханьдан, Волгограддан эм Ростов областьдан, Краснодар эм Ставрополь крайдан, Шимал Осетия-Аланиядан, Кърымдан, Дагъыстандан, Къабарты-Малкъардан эм Къарачай-Черкес Республикадан жюзден аслам эм кючлю гимнаст къатышханды. Къабарты-Малкъар Республиканы «Эльбрус КБР» къаууму СКФО бла ЮФО-ну биринчилигинде ючюнчю жерге тийишли болгъанды. Аны эсеплерине кёре къызла Россейни Биринчилигине къатышырыкъдыла. Ол Москва шахарда, Ирина Виннер - Усманованы гимнастика дворецинде бардырыллыкъды. Дагъыда бу эришиулени чегинде «Выше гор» деген сабий турнир бардырылгъанды. Анда Къабарты- Малкъардан 10–12- жыллыкъ къызланы ичинде биринчи жерни «Эльбрус-Олимпия» къаууму алгъандыла. «Эльбрус-Горянка» команда уа Севастопольдан «Высота-Планета» деген къаууму бла бирге ючюнчю жерге тийишли болгъандыла. 8-10- жыллыкъ къызланы тамата подгруппасында ючюнчю жерни «Эльбрус – Сияние» алгъанды. Ол категорияны орта подгруппасында экинчиле «Эльбрус – Вершина» болгъандыла. Гитче подгруппасында уа экинчи жерде «Эльбрус – Волна». Ючюнчюле уа Нарткъаладан «Эльбрус – Ласточки». Алай 6-8 - жыллыкъ сабийле да къатышхандыла бу эришиулеге. Сёз ючюн, «Эльбрус – Котята», «Эльбрус – Солнышко» эм Нарткъаладан «Эльбрус – Бантики» къаууму «кюмюш» эм «доммакъ» призерлары болгъандыла. Спортчула тренер Текуланы Жаннетада, Инна Терентьевада, Татьяна Шугушевада эм Светлана Михайленкода жарау этедиле. Къызланы бу жетишимлери бла алгъышлайбыз.
Поделиться:
Читать также:
25.04.2024 - 15:30 →
Районну атындан терскъолчула эриширикдиле
25.04.2024 - 09:30 →
Гёжефлерибизде – тёрт майдал
24.04.2024 - 12:41 →
Кючлерин сынагъандыла
23.04.2024 - 17:05 →
«ЖАШ ТЁЛЮГЕ КЪАЙГЪЫРЫУ БАШ БОРЧУБУЗДУ»
19.04.2024 - 13:10 →
Тёзюмлю эм ышаннгылы къаячы
|