Жай эришиулени хорлам бла башлагъанды

 Къабарты-Малкъардан белгили дискобол Александр Добренький Адлерде А.А. Низамутдиновну саугъаларына бардырылгъан битеукъырал эришиуге къатышханды. Турнирде дискни, копьёну бла молотну атыуда эм ядрону тюртюуде эм кючлю атлетле сынашадыла, бу жол анга къыралыбызны 35 регионундан спортчула келгендиле.

Жерлешибиз Александр Добренький, дискни 59,37 метрге атып, башха спортчуланы озгъанды, бу кёрюмдю бла алтын майдал къоллу да болгъанды. Энди гёжеф Россейни командалы кубогуна къатышырыкъды, ол да Адлерде майда боллукъду.