Иги кесек майдал бла къайтхандыла

Республиканы Спорт министерствосу билдиргеннге кёре, бу кюнледе Астрахань шахарны  «Звездный» спорт комплексинде  «Локо Дзюдо» битеуроссей эришиуле бардырылгъандыла. Ала 2009-2012 жыллада туугъан   спортчуланы араларында ётгендиле. Ары РФ-ни жыйырма субъектинден 600-ден аслам адам  къатышханды.

Къабарты-Малкъардан турнирге 23  дзюдочу баргъанды эмда ала  онсегиз майдал  бла къайтхандыла.

 Биринчи жерни кеслерини ауулукъ категорияларында Инал Джафаров, Салим Абазов, Ахмад Сруков, Амирхан Гаданов, Ибрагим Сруков эм Аскер Шигалугов алгъандыла.

Экинчи жерге Анзор Дикинов, Сафарби Камбиев, Аслан Бжиев, Ислам Винов, Астемир Киржинов, Самир Абазов, Ивер Шишхов тийишли болгъандыла.

«Доммакъны» уа Бишийланы Алим, Алина Гаданова, Лана Хашева, Идар Канукоев эм Мухамед Карданов алгъандыла. 

Спортчула Залим бла Алим Гадановда жарау этедиле.

Хорлагъанлагъа эм алчы жерлеге чыкъгъанлагъа кубокла,  майдалла, грамотала эм багъалы саугъала берилгендиле.

Бу эришиуле кезиулюдюле,  тёртюнчю кере бардырыладыла. Бешинчи этап Уфа шахарда майны ахырында ётерикди. Битеу бирге ала тогъуз боладыла. Оналты гёжеф энди  Москвада тутушурукъдула.