Жол-транспорт болумда адам да ачымагъан эсе

Жол-транспорт болумну Европротоколну болушлугъу бла къалай  жарашдырыргъа боллукъду? Бизге  КъМР-де МВД-ны УГИБДД-сындан   ангылатханларыча, бу мадар авария бла байламлы документлени жарашдырыуну женгиллетиуге бурулупду.

Европротокол толтурулгъан кезиуде къыралавтоинспекторланы чакъырыр кереклиси жокъду. Къагъытха битеу тийишли шартланы жазып, аны страховой компаниягъа кёргюзтюп къояргъа тийишлиди. Алай бла уа водительле заманларын аяйдыла, дагъыда жолда жюрюуге чырмау салмайдыла.

Болсада бу амалны жаланда бир-бир кезиуледе хайырланыргъа боллукъду. Ол санда  авария ауур болмаса, анда адам да ачымаса, экисини да ОСАГО эркинликлери бар эселе толтурургъа боллукъду. Дагъыда машиналагъа салыннган заран 100 минг сомдан озмазгъа тийишлиди.

Алай аварияда машиналадан сора жол инфраструктура бузулса, адамла жаралы болсала, водительледен бирини окъуна ОСАГО документлери бомаса, Европротокол бла хайырланыргъа жарарыкъ тюйюлдю.

Полисни страховой компанияда алыргъа боллукъду.