Ораза тутханлагъа аууз ачдыргъандыла

Рамазан айда ораза тутхан водительлеге къыралавтоинспекторла аууз ачаргъа суу бла финикле бергендиле.

Оразада жолда жюрюуге къатышханланы къоркъуусузлукъларын жалчытыугъа бурулгъан акция тёрели болгъанды. Къыралавтоинспекторла бла волонтёрла водительлени халлерин, саулукъларын сурагъандыла, къоркъуусузлукъну жорукъларын эсгертгендиле.

 Кюн батхандан сора аууз ачалмай, жолда къалгъанлагъа уа ала суу бла финикле бергендиле.

 -Ораза тутуп, къыйналсагъыз, жукъугъа тартса, къан басым тюрленсе, машинаны жюрютмей, пассажир транспорт бла хайырланыргъа тийишлиди. Неда жууукъларыгъыздан, танышларыгъыздан ала сизни юйге дери элтирча тилегиз, - деп чакъыргъандыла инспекторла.

Водительле инспекторлагъа бла волонтёрлагъа, аладан бирлери уа кеслери да ораза тутханларын белгилерчады, къайгъырыулукълары ючюн ыразылыкъларын айтхандыла.