Ахшы кёрюмдюле эсленедиле

Къабарты-Малкъарны эл мюлкюню магъаналы бёлюмлеринден бирлерине мирзеучюлюк, тахта кёгетле эм наныкъ ёсдюрюу саналадыла. Жыл сайын аланы къайсы бири да иги кесек файда келтиреди.   

Шимал Кавказстатдан билдиргенлерича, былтыр мюлклени барысында да 1286,4 минг тонна мирзеу орулгъанды. Ол буруннгу жыл бла тенглешдиргенде 107,8 процентге кёпдю. Ол санда чеплеуден – 32,5, картофдан – 140,2, тахта кёгетледен – 314, 8, эм жемишледен бла наныкъладан 535,5 минг тонна жыйылгъанды. Сагъынылгъан битимле бла байламлы 109,2,  77,6, 98,8 эм 3,5 процентге ёсюм эсленеди.  
 
Элчи фермер мюлкледе да 637,4 минг тонна мирзеу жыйылгъанды: нартюхден 524,1 минг тонна эм чеплеуден да 16,4 минг тонна чакълы. Мирзеуден бла чеплеуден  алыннган тирликни 50 проценти гитче мюлклеге жетеди.

Энчи иелилени юсюнден айтханда да, алада картофдан - 123,8, тахта кёгетледен - 141,7 эм жемишледен бла наныкъладан 251,7 минг тонна жыйылгъанды.