Нартюх урлукъ жетишеди

Былтыр бизни республикада нартюхню гибридлерини урлукъларындан онеки минг тонна чыгъарылгъанды. Регионну эл мюлк министри Хасан Сижажев айтханнга кёре, ол производствогъа битеу да 4,5 минг гектар бёлюнюпдю.

- Къабарты-Малкъарда бюгюнлюкде урлукъчулукъ бла кюрешген тогъуз предприятие барды. Нартюх урлукъну юсюнден айтханда, республиканы аграрчыларына андан 3,5 минг тонна керек болуучуду. Тыш регионлагъа жыл сайын 8,5 минг тоннасы жибериледи. Продукция бары да миллет стандартлагъа келишеди, сертификатлары да барды, - деп чертгенди министр.

Россейни регионларындан сора да, нартюх урлукъну предприятияла Азербайджаннга, Армениягъа, Беларусиягъа, Къазахстаннга, Молдавиягъа, Киргизиягъа эм башха къыраллагъа сатадыла. Озгъан жыл аланы барына да 800 тонна продукция жиберилгенди.