«Грацияны» хорламы

 Бу кюнледе Астраханьда «Звездный» спорткомплексде художестволу гимнастикадан СКФО бла ЮФО-ну XI Спартакиаданы II этапы ётгенди. Ол окъуучуланы араларында бардырылгъанды. Ары Астраханьдан, Волгограддан эм Ростов областьдан, Краснодар эм Ставрополь крайдан, Шимал Осетия-Аланиядан, Къалмыкъдан, Адыгеядан, Дагъыстандан, Къабарты-Малкъардан эм Къарачай-Черкес республикадан жюзден аслам эм кючлю гимнаст къатышханды.

Къабарты-Малкъар республиканы «Грация» къаууму жыйымдыкъ эришиуледе хорлагъанды. Аны эсеплерине кёре, къызла Спартакиаданы финалына къатышырыкъдыла. Ол июньда Ульяновск шахарда бардырыллыкъды.

Спортчула тренер Зинаида Шомаховада жарау этедиле.

Къызланы бу жетишимлери бла алгъышлайбыз.