Зауукълу жараула

 «Единая Россия» политика партияны башламчылыгъы бла школ каникулланы кезиуюнде къыралны жер-жерлеринде сабийлени саулукъларын кючлер мурат бла спорт эришиуле, жараула бардырыладыла. Бу ишни чегинде Къырал Думаны депутаты ПОДА диагнозлары болгъанланы араларында 800 метрге чабыуда Россейни чемпиону Виктория Родина Кенжеде «Пять колец» арада окъуучулагъа къуралгъан спорт байрамгъа къатышханды.

 Виктория Родина партияны тилегин толтургъан айтхылыкъ спортчулагъа, араны къурагъан Амир Ахметовха быллай огъурлу ишни тамамлагъаны ючюн ыразылыгъын билдиргенди. «Россей фахмулу тренерлери эм дуния даражада уллу жетишимле болдургъан спортчулары бла ёхтемленеди. Къыралыбызны Спорт министерствосу бизде ётдюрюллюк халкъла аралы эришиуле энди бардырылмазлыкълары бла байламлы къалгъан ахчаны спорт объектлени къурулушларына жояргъа эсгертиу этгенди», – дегенди парламентарий.

Алай бла къыралыбызны тхэквондодан паралимпиада жыйымдыкъ командасыны келечилери, ол санда Россейни сыйлы тренери Амир Ахметовда жарау этгенле да,  сабийле бла мастер-классла бардыргъандыла. Амир Ахметов тренер болуп ишлегенли къыралны биринчилигини 30-дан аслам призёрун, Европаны биринчиликлерини 5 чемпионун, сангырау спортчуланы араларында дунияны чемпионун хазырлагъанды.