Энергетиклени себеплиликлери

Нальчик шахарда эки больницада орнатылгъан   кислород жарашдыргъан станцияланы «Каббалкэнерго» компанияны специалистлери электрокюч сетьге къошхандыла.

Коронавирус ауруу чыкъгъанда, багъыу учрежденияланы ишлери бютюнда къыйын болгъан эди. Шёндю уа ала алгъынча ишлейдиле, алай алада  саусузланы халлерин игилендирирча  амалны излеуге энтта эс бурулгъанлай турады.

Сагъынылгъан станциялагъа 120 эм 102 кВт электрокюч керекди. Экинчи номерли шахар клиника больницаны баш врачы Ботталаны Залина энергетиклеге ыразылыгъын билдиргенди. Ала ишлерин тынгылы этгенлерин, багъыу учрежденияланы излемлерине  эс бургъанларын да чертгенди.

Компанияда айтханларына кёре, коронавирус ауруу жайылгъан кезиуде ала госпитальлада электрокюч бла жалчытхан дизель станцияла тутхандыла. Авария болса деп, кече - кюн дежурство бардырып  тургъандыла.

 

 

Омарланы Мурат.
Поделиться: