Келгенлени жарсыуларына тынгылагъанды,тийишли буйрукъла бергенди.

 КъМР-ни Башчысы Казбек Коков республиканы инсанларыны къаууму бла тюбешгенди эмда аланы тарыгъыуларына бла тилеклерине тынгылагъанды. Аланы талайы къыйын ауругъан сабийлеге багъыу эмда реабилитация этиу бла байламлы эдиле. Аллай жарсылары болгъанла республиканы оноучусундан  саусузларын энчи федерал медицина аралагъа салыргъа эмда бийик технологиялы болушлукъ алыргъа себеплик этерин тилегендиле.

   КъМР-ни Башчысындан болушлукъ излеп кёп сабийли къолайсыз юйюрле да келгендиле. Аладан бирини юйлерине от тюшюп, ала мюлклеринден харагетлеринден да къуру къалгъандыла, башхасы уа тарлыкъда жашагъанларына тарыкъгъанды.

    Хар тарыгъыугъа бла тилекге кёре республиканы оноучусу тийишли министерстволаны бла районланы башчыларына керекли буйрукъла бергенди.Болушлукъ излеп келгенлеге ол жууукъ заманда тапдырылмай къаллыкъ тюйюлдю.

Юсюпланы Галина хазырлагъанды.
Поделиться: