Айны тёгерегине учхан биринчи аппарат

1966 жылда 31 мартда Совет Союз биринчи болуп Айгъа спутник жибергенди. Бизни къырал аны таба ары дери да талай аппарат ашыргъан эди. Сёз ючюн, 1959 жылда январьда «Луна-1» аппаратны жибергенди. Ол жыл окъуна 13 сентябрьде уа ары «Луна-2» станция жетгенди.

Сагъынылгъан спутниг а «Луна-10» станцияны ичинде эди. Аны гъаршха Байконур космодромдан «Молния-М» ракета чыгъаргъанды. Спутникни ауурлугъу 240 килограмм эди. Анда илму эмда тинтиу аппаратура орнатхандыла. Ючюнчю апрельде ол Айгъа жетип, ызы бла аны тёгерегинде учуп башлайды. Кеси да тохтаусуз 56 кюн ишлегенди. Радиосвязьгъа чыгъып, алимлерибизге Айны эмда Жерни юслеринден аслам информация жибергенди. Аны аппаратурасы батарейледен ишлей эди да, аны ючюн алада электрокюч тауусулгъаны бла «Луна-10» станция Айгъа тюшгенди. Алай бла кёп къалмай эки айны ичинде ол илмуну айнытыугъа иги къошумчулукъ этгенди.

Саулай айтханда, 1958-1976 жыллада тийишли программасыны чеклеринде СССР Ай таба оналты аппарат жибергенди.