Малчылыкъ бёлюмде кёрюмдюле игидиле

30 марта, 2022 - 12:16

Шимал Кавказстатдан билдиргенлерича,  жыл башланнганлы Къабарты-Малкъарны мюлклеринде малланы  бла юй къанатлыланы  этлеринден  союлмагъан ауурлукъда 13,3 минг  тонна чакълы сатылгъанды. Былтыр бу заман бла тенглешдиргенде ол 105 процентге кёпдю. 
Аны бла бирге сют малчылыкъны юсюнден айтханда да 58,1 минг тонна сауулгъанды. Мында да ёсюм эсленеди. Жумуртхаладан  24 миллиону алыннгынды, ол да 103 процентге асламды.  
- Малчылыкъ бёлюмде уруннганла бир  тюрлю чурумсуз, бирси кезиуледеча, тири ишлейдиле. Ол санда мал ашлары, ветпрепаратлары да жетишедиле. Малланы саны былтыргъы кёрюмдюге  келишеди. Жууукъ  заманда мюлкледе  жайлыкълагъа чыгъарча жумушла бла кюрешип башларыкъдыла,- дейди КъМР-ни эл мюлк министрини  орунбасары   Мачраил Шетов.

 

 

Магометланы Сулейман.
  • 14 просмотров
Поделиться: