Битеуроссей эришиулени финалы ётгенди

Республиканы Спорт министерствосу билдиргенине кёре, бу кюнледе Нальчик шахарны «Гладиатор» спорткомплексинде боксдан Малкъар халкъны къыраллыгъы къайтарылгъан кюннге аталгъан «А» класслы Битеуроссей эришиулени финалы ётгенди. Бу эришиуле 1999 жылдан бери бардырыладыла, быйылгъыла  жыйырма ючюнчюле  болгъандыла.

Бу турнирни эсеплерине кёре  Къабарты-Малкъар Республиканы боксчулары он тутушуудан алтысында хорлагъандыла. Ала Сотталаны Альберт (63,5 кг.), Макъытланы Хасан (67 кг.), Хапчланы  Марат (60 кг), Кантемир Калажоков (71 кг.), Ислам Азнуров (75 кг.) эм Джабраил Елеков (80 кг.) болгъандыла.