Прохладныйде къуллукъ этген аскерчиле бла тюбешиу

КъМР-ни Башчысы Казбек Коков Прохладный шахарда орналгъан 31681 аскер бёлюмде къуллукъ этгенле бла тюбешгенди.

Республиканы оноучусу аскер бёлюмню таматасыны орунбасары бла бирге ёлген аскерчилени хурметлерине деп ишленнген эсгертмеге гюлле салгъанды.   

Жолоучулукъну кезиуюнде Казбек Коков солдатла тургъан эм аш-суу жюрюген жерлеге къарагъанды, аскерчиле ишчи кюнлерин къалай ётдюргенлери бла шагъырейленнгенди, деп билдиргендиле республиканы оноучусуну пресс-службасындан.

Казбек Коков аскер бёлюмде къуллукъ этгенлеге деп жыйылгъан гуманитар болушлукъну бергенди, шёндю аланы асламысы ишчи командировкагъа кетип турадыла – энчи аскер операциягъа къатышадыла. Казбек Коков кесини телеграм-каналында аскерчи жашлагъа, ыразылыгъын билдирип, алгъыш сёзле жазгъанды, «ала жигитлиликлерин эм энчи батырлылыкъларын кёргюзте, Россей Федерацияны къоркъуусузлугъун жалчытыу бла байламлы борчланы толтура эм Донбассда бла Украинада жашагъан мамыр адамланы неонацистледен къоруулайдыла». «Жюрегими теренинден Ата журтубузну сейирлерин къоруулагъанлары ючюн аскерчилеге ыразылыгъымы билдиреме», – деп айтылады Къабарты-Малкъарны Башчысыны билдириуюнде.