Эркинликлени юслеринден сёлешгендилеКъабарты-Малкъар къырал университетни студентлери бла преподавательлери «Юйюрде ата-аналаны бла сабийлени араларында келишиулюк» деген ат бла къуралгъан семинар-практикумгъа къатышхандыла. Ол республикада волонтёрлукъну айнытыуну ресурс арасыны башламчылыгъы бла бардырылгъанды. Тюбешиуде эксперт КъМР-ни нотариусларыны палатасыны жаш нотариусларыны советини таматасы, КъМКъУ-ну право, экономика эмда финансла институтуну инсанны эркинликлери эмда граждан процесс кафедрасыны доценти Диана Кокова болгъанды. Жыйылыуда сёлеше, ол юйюрню келечилерини эркинликлерин сакълау, аланы араларында келишиулюк болуруна къайгъырыу, сабийни праволарын къоруулау, инсанны, юйюрню эмда жамауатны араларында байламлыкъланы тохташдырыу, адамланы сейирлерине эс буруу-ала барысы да бюгюннгю юйюр правода эм магъаналы жерде болгъанларын чертгенди. Сабийле бла байламлы эркинликле бере, къырал ата-аналаны боюнларына жууаплылыкъны да салгъанын, алагъа ёсдюргенлерини сейирлерин хурметлей билирге кереклисин да эсгертгенди. Тюбешиуню кезиуюнде ары келгенле кеслерини кёз къарамларын билдиргендиле. Ата-аналаны бла сабийлени араларында келишиулюкню, мюлкге ие болууну, эркинликлени эмда жууаплылыкъны юслеринден асламыракъ билирге излегендиле. Бегирек да кесини адетлери бла тёрелери алгъадан да тохташдырылгъан жамауатда аланы законну сурамына къалай келишдирирге боллугъуну юсюнден да кенгешгендиле. Д. Кокова ангылатханыча, къайсы тюрлю даулашлы кезиуде да эм алгъа адет-тёрелеге, менталитетге угъай, халкъла аралы эмда федерал мардалы праволу актлагъа таяныргъа керекди. Ол дагъыда сабийлени не жаны бла да къоруулау нотариусланы, волонтёрланы, адвокатланы, осуйлукъ этген органланы эмда бирсилени барысыны да инсанлыкъ борчлары болгъанын чертгенди.
Поделиться:
Читать также:
29.04.2024 - 18:47 →
Къабарты-Малкъарда суу жагъаланы ариуларгъа 30 минг адам къатышханды
29.04.2024 - 09:05 →
Ахшы тёрелеге кертичилик
28.04.2024 - 09:05 →
«Окъутуу, юйретиу ишни тамам жалчытыр ючюн хар затыбыз да барды»
27.04.2024 - 10:42 →
Онг тапдырыр орунуна...
27.04.2024 - 10:41 →
Аскерчи, актёр, ата...
|