Жайлыкълагъа чурумсуз чыгъаргъа таукелдиле

Жаз башы жаланда сабанчылагъа угъай, малчылагъа да къазауат кезиудю. Ол башланнганы бла мюлкледе малланы жайлыкълагъа чыгъарыргъа хазырланып тебирейдиле. Бизни республикада ол май айда башланыучуду. Шёндю уа малчылагъа диагностика, ветеринар-профилактика, ауруулагъа къажау жумушланы тамамларгъа аламат кезиудю, дейдиле республиканы Эл мюлк министерствосунда.

Эсге сала айтсакъ, былтыр жайлыкълада 45 мингден артыкъ мал, 90 минг чакълы къой, 5,5 минг ат кечиннген эди. Ол кезиуде бир тюрлю чурум чыкъмагъанды, белгиленнген жумушланы бары да тамам этилгендиле.